Республика җитәкчесе әйтүенчә, Татарстанда инновацион кластер барыннан да уңышлырак үсә. "Бездә инде 98 төрле электрон хезмәт күрсәтелә, узган елда барлыгы 10 миллион 500 мең мөрәҗәгать эшкәртелде”, – диде Рөстәм Миңнеханов. Шул ук вакытта, аның әйтүенчә, аларның төп өлеше ЗАГСлар тарафыннан, юл хә­рәкәте кагыйдәләрен бозган өчен штрафлар, шулай ук балалар бакчаларына электрон чиратка бәйле хезмәт күрсәтүләргә кагыла. Рөстәм Миң­неханов билгеләп үткәнчә, хезмәт күрсәтүнең соңгысы нәтиҗәсендә 3 яшьтән зуррак сабыйлар өчен балалар бакчаларына чират проблемасы тулысынча хәл ителгән, 3 яшьтән ке­черәкләр өчен – хәл ителү алдында. ГЛОНАСС белән дә нәти­җәле эшлибез”, – дип белдерде ил Президентына Рөстәм Миңне­ханов. Аның сүзлә­ренә караганда, ашыгыч хезмәтләр машиналары, шә­һәр тран­спорты, мәктәп автобуслары әлеге спутник системасының кабул итү җайланмалары белән тәэмин ителгән.